Messi: Mascherano, i përkryer për Barcën

Sulmuesi më i mirë në botë, Lionel Messi, ka përkrahur transferimin e mundshëm të Javier Mascheranos nga Liverpooli, pasi që ‘el Messiah’ mendon se argjentinasi është i përkryer për Barcelonën.

“Mascherano do të ishte shtysë e madhe për Barcën. Ai ka cilësinë për të luajtur për Barcelonën dhe karakteri i tij do t’i përshtatej klubit”, theksoi Messi.

Mediat spanjolle kanë spekuluar ditëve të kaluara se Barcelona tashmë i ka bërë ofertë Liverpoolit për Mascheranon, ku thuhet të jetë përfshirë firma e Aliaksandr Hleb dhe 15 milionë euro.