Iniesta: Mendoj vetëm për Barcelonën

Andres Iniesta thotë se nuk shqetësohet rreth asaj se sa është përforcuar Reali i Madridit dhe mendon vetëm për Barcelonën, e cila sipas tij është klubi më i mirë me futbollistët më të mirë.
Lojtari i Barcelonës fitoi shumë lëvdata për paraqitjet e tij sezonin e kaluar me Barcelonën si dhe për paraqitjeje me kombëtaren e Spanjës në Kupën Botërore, Afrika e Jugut 2010, dhe shihet si një prej favoritëve për të fituar “Topin e Artë” dhe shpërblimin e futbollistit më të mirë në botë për vitin e kaluar. Megjithatë Iniesta thotë se ai është i fokusuar vetëm në qëllimet e Barcelonës.
“Qëllimet e mia personale janë të njëjta si edhe ato të Barcelonës. Fitimi i titujve është ajo që më bën të lumtur, i bën njerëzit të lumtur dhe unë e dua këtë. Shpërblimet individuale nuk më tregojnë shumë. Shqetësohem vetëm për atë që Barcelona të fitojë gjithçka dhe gjithkush të jenë të kënaqur”, ka thënë Iniesta.