Villa këshillon Fabregasin: Fokusohu te Arsenal

David Villa i ka thënë bashkëkombësit të tij Cesc Fabregas të përqendrojë energjinë e tij te Arsenali këtë sezon dhe pastaj t’i bashkohet atij te Barcelona vitin e ardhshëm.
Ish-ylli i Valencias është i ngazëllyer pas transferimit te Barcelona dhe thotë se Cesc nuk duhet të mendojë për pamundësinë të rikthehet në Nou Camp këtë verë.
“Ajo çfarë do t’i thosha atij është të bëjë atë që bëra unë: përqendrohu te klubi dhe jep gjithçka për ekipin tënd. Futbolli nuk ndalon këtu dhe, mbi të gjitha, më herët ose më vonë ai do të përfundojë duke luajtur për Barcelonën”, ka thënë Villa.
“Ai duhet të vazhdojë të tregojë formën e shkëlqyeshme edhe për sezonin e ardhshëm. Ai do ta ketë këtë mundësi përsëri vitin e ardhshëm. Por derisa është me Arsenalin, vetëm duhet të luajë siç mundet”, ka shtuar sulmuesi spanjoll.