Barca fiton La Ligan

Me një fitore bindëse prej 4-0 kundër Valladolidit, Barcelona ka përmbyllur një sezon të shkëlqyer në Kampionatin spanjoll duke e fituar kështu trofeun e më të mirit në Spanjë.
Dy golat e parë në ndeshje (21’ dhe 37’) erdhën nga Pedro, edhe pse goli i parë ishte autogol nga Luis Prieto.
Ndërkohë që dy golat tjerë i takuan mbretit të futbollit Lionel Messi (62’ dhe 76’), i cili edhe njëherë dëshmoi që është lojtarit më të mirë në botë.
Me 31 fitore 6 barazime dhe 1 humbje, Barcelona shpallet kampion i La Ligas për të njëzetën herë, me rekord prej 99 pikësh të fituara, tre pikë më shumë se përcjellësi i parë, Real Madrid, që në javën e fundit barazoi kundër Malagas.
Barcelona, Real Madridi dhe Valencia kanë siguruar kualifikimin direkt në Ligën e Kampionëve, ndërsa Sevilla do t’u nënshtrohet fazave kualifikuese.
Ndërkohë me 34 gola të shënuar, Leo Messi shpallet golashënuesi më i mirë në Spanjë dhe në Evropë.